Eanaoamasteddjiid gullet Deanuleagi eanadatdikšunguovllu plánas (Lappi)

Ohcejoga gielda lea ožžon maŋimuš jagiid olu máhcahaga ássiin, báikkálaš fitnodagain ja mátkkálaččaid Deanugeainnu johkaoidnosa savvomis ja ealgaváras geainnu alde. Gielda álggahii jagi 2017 Min eanadat -fidnu. Oassin fidnus lea gárvvistuvvon mielde čuvvon eanadatdikšun- ja geavahanplána Deanuleahkái Biesjoga ja Nuvvosa gaskii. Plána lea ruhtadan Davimus Lappi Leader ry Min eanadat -fidnu, Ohcejoga gielda, Lappi EBI-guovddáš ja Birasministeriija.

Plána leat gárvvistan Marika Koskiniemi ja Marjut Kokko ovttas gielddain, giliservviin ja eanaoamasteaddjiiguin. Gili olbmuid sávaldagaid dikšunčuozáhagain leat gullan vuosttas geardde dieđihandilálašvuođain giđđat 2017. Álbmotdilálašvuođat dollojuvvojedje lassin geasi áigge ja maŋimuččat čakčamánu loahpas.

Plánii leat kárten guovddášeanadatárvvuid ja guovlluid, maid dárbbaša dikšut. Seammás leat addán dikšunávžžuhusaid, maid ollašuhttin lea áloeaktodáhtolaš  eanaoamasteaddjiide. Mihttomearrin lea movttiidahttit gili olbmuid eaktodáhtolaš eanadatdikšumii ja duvdit ohcat ruđalaš doarjaga dehálaš bargui.

Meahciráđđehus lea kárten geassit 2017 boaldinmuora váldimii vuogas guovlluid Meahciráđđehusa luonddudoalloguovllus. Báikkálaččat ja lustaáiggeássit sáhttet oastit boaldinmuora sierra sohppojuvvon guovlluin. Plánas lea lassidiehtu lobi skáhppomis.

Eanadatdikšun- ja geavahanplána gárvvásmuvadettiin Deanuleahkái sáhttá vuođđudit luonddusuodjalanlága 32 §:s oaivvilduvvon eanadatdikšunguovllu. Eanadatdikšunguovllut leat vuođđuduvvon Supmii dán rádjai guhtta, main golbma leat Lappis. Gáregasnjárgga gilisearvi lea dahkan ođđajagimánus 2018 álgaga Lappi EBI-guovddážii eanadatdikšunguovllu vuođđudeapmin, dainna eavttuin ahte guovllu eanaeaiggádat váldet jurdaga vuostá miehtemielalaččat.

Eanadatguovllu vuođđudeapmi ii buvtte vuoigatvuođaváikkuhusaide vuođđuduvvan ráddjehusaid eatnamiid dahje čáhceguovlluid ávkkástallamii. Huksen dáhpáhuvvá boahttevuođasge fámus lean oppalašláva ja gieldda huksenortnega mielde. Guollebivddu, boazodoalu ja vuovdedoalu sáhttet hárjehit ovddeš vuogi mielde gv. láhkaásaheami ja soahpamušaid vuođul. Eanaoamasteaddjit ja báikkálaš searvvit sáhttet ohcat ruhtadeami eanadaga ordnemii ja dikšumii. Lassin priváhta ráhkadusaid oamasteaddjit ja servošat sáhttet ohcat doarjaga huksenárbbi bajásdollui Lappi EBI-guovddážis, Duoma ruovttuguovllulihtus ja Musealágádusas.

Mo dikšunplána ollašuhtto boahttevaš jagiid

Gieldda mihttomearrin lea álggahit čuovvovaččat eanadatdikšunfidnu, mas rahpat oidnosiid Deanugeainnus deháleamos eanadatbáikkiin. Mihttomearrin lea boahttevuođasge dikšut johkaeanadaga rabasin ja Deanugeainnu johtalusa dorvvolažžan. Seammás eananoamasteaddjiide ja boares ráhkadusaid oamasteaddjiide fállet rávvema eanadaga ja ráhkadusaid dikšumis ja ruđalaš doarjaga ohcamis.

Jus eanadatdikšunguovllu vuođđudeapmi gávnnahuvvo giliin jierpmálažžan, Lappi EBI-guovddáš evttoha Birasministeriijai ođđa dikšunguovllu vuođđudeami. Go eanadatdikšuma vuođđu lea eaktodáhtolašvuođas ja gáibida jagiid áigge čatnašumi, vuođđudat eanadatdiškunguovlluid dušše dakkár guovlluide, gos eanaeaiggádat guottihit viidát ášši.

Eanaeaiggádiid oainnut váldojuvvojit vuhtii joatkkabarggus

Dikšun- ja geavahanplána lea doaimmahuvvon suomagillii ja davvisámegillii plánaguovllu eanaoamasteaddjiide oahpásmuvvama ja máhcahaga várás. Seammás eanaoamasteaddjit leat ožžon jearahallanskovi, maiguin kártejuvvojit dárbbut iežas giliduovdaga dikšumii dahje boares ráhkadusaid divvuma várás. Ožžojuvvon máhcahat váldo vuhtii dikšunplánas ja geavatlaš eanadatbargguid válmmaštallamis. Go dikšun- ja geavahanplána lea gárvvis de EBI-guovddáš sádde prentosa guovllu buot eanaeaiggádiidda.

Plána lea lassin oaidninláhkái gielddadálus ja Gilidállu Sáivvus ja Giissás. Elektrovnnalaš hámis plána gávdno Birashálddahusa oktasaš neahttabálvalusas čujuhusas www.ymparisto.fi>Alueellista ympäristötietoa>Lappi> Lapinmaisemat>Ylä-Lappi, Áigeguovdil (www.ymparisto.fi/fi-FI/Lapinmaisemat/YlaLappi).

• Lapinmaisemat

Lassidieđut: 

Lappi EBI-guovddáš
tel. 0400 304 745 [email protected]

Kristiina Hoikka

Lappi EBI-guovddáš

tel. 0295 037 014

[email protected]

Eeva-Maarit Aikio

Ohcejoga gielda

tel. 0400 151 294

[email protected]

Tuomo Kokkoniemi

Meahciráđđehus Giddodatovdáneapmi

tel. 0400 205 974 tuomo.[email protected]