Påʹnnčääʹcc- ja ǩeäʹdǧǧaaunâstuʹtǩǩummuž juätkkje Lappist (Lappi)

Lapin POSKI2 (Påʹnnčaaʹʒʒi Suõjjlem da Ǩeäʹdǧǧaaunâshuõllâm õʹhttesuåvtummuš) – haʹŋǩǩõõzz mäddtuâj juätkkje da teädd lij puõʹtti ǩieʹzz äiʹǧǧen Nuõrti- da Tâʹvv-Lappist. Tuâj lie jeänmõsân ääiʹjben tuʹtǩǩeeǩani påʹnnčääʹccvuuʹdi da mäddaaunâshäämteeʹlmi di ođđ kaʹlliǩeäʹdǧǧaunnâz väʹlddma šiõtti vuuʹdi tuʹtǩǩummuž. Vaʹlljuum paaiʹǩin tuejjeet jânnamkaartʼtõõzzid, mäddtuutkin tuʹtǩǩummuž, čääʹccteeʹsti välddmõõžž di mäddpookkmõõžžid koi õhttvuõđâst piijât påʹnnčääʹcc tuʹtǩǩeempooʹccid. Kaʹlliǩeäʹdǧǧaaunâspaaiʹǩi teeʹst välddmõõžžid puäʹđet tuejjeed alggčõõučâst mâŋŋa kaartʼtummši puuttâm. Tuʹtǩǩeemvuʹvdd puätt käʹtted Aanar, Uccjooǥǥ, Suäʹđjel, Salla, Savukoski da Pelkosenniemi kooʹddid.

Kaartʼtummuž da teʹsttvälddmõõžžid tuejjeet ǩieʹzz da čõõuč äiʹǧǧen määŋg oummu tuåimast. Teʹl jânnmin liikkeet jeänmõsân vääʹʒʒeeʹl. Mäddtuʹtǩǩummuž tuejjeet ǩieʹzzeeʹl tuʹtǩǩeemneävvaid motorpieʹǩǩjin čuõkkuid da ǩeäinaid äuʹǩǩeeʹl leʹbe vääʹʒʒeeʹl jânnmest. Nääiʹt tuʹtǩǩummšin ij šõõdd häiʹtt mäddvuäʹmsteeʹjid ij-ǥa pirrõʹsse. Mäddpookkmõõžžid tuejjeet tåʹlǩ mäddvuäʹmsteei looʹvin.

POSKI-haʼŋǩǩõs lij pirr Lääʹddjânnam mäddkooʹddi mieʹldd čõõđtum väʹlddkååddlaž tuʹtǩǩeem- da ooudeemhaʹŋǩǩõsobbvuõtt. Mieʹrren lij staanâd kudd påʹnnčääʹcc, ainsmâʹtted mädd- da ǩeäʹdǧǧaunnâz vuäǯǯmõš di kuʹǩes ääiʹj seʹst čuäʹjted čääʹcchuõllma da ǩeäʹdǧǧaunnâz väʹlddma šiõtti vuuʹdid. Mieʹrren lij še aalǥted vooudlaž vuârrvaaiktemsäiʹmmõõzzid di pueʹreed teâttvuâđ äuʹǩǩummuž. Lââʹssen ooudeed čõõđteeibeäʹl da äʹšš-sueʹrj tuʹtǩǩeem-mõõntõõllmõõžž.

Lappist haʹŋǩǩõõzz viiǥǥât čõõđ kuõʹhtten vueʹssen, vuõssmõs pââʹjj puuđi 2015 da vooudlânji tõt õõʹni seʹst mäddkååʹdd Perämerenkaari beällsaž vueʹzz di Pello, Ylitornio, Tervola da Ruäʹvnjaarǥ vuuʹdid. Jååʹttmen åårrai nuʹbb pââʹjj kätt loopp Lappi kooʹddin.

Haʹŋǩǩõõzz čõõđteeʹjen Geologia tuʹtǩǩeemkõõskõs, Lääʹddjânnam pirrõskõõskõs da Oulu universiteʹtt. Teäggtõs nårrai Pohjois-Pohjanmaa ELY – kõõskõõzz miõttâm Euroop vuʹvddõõudeemfoond tuärjjõõzzâst di čõõđteeʹji, haʹŋǩǩõsvuuʹd kooʹddi, Lappi leett di tuåimmsueʹrj põrggsi teäggtemvueʹzzin. Haʹŋǩǩõõzz viiǥǥât čõõđ iiʹjjin 2016-2019.

Lââʹssteâđ:

http://newprojects.gtk.fi/poski_lappi

Geologia tuʹtǩǩeemkõõskõs, geoloog Juho Kupila, teʹl. 029 503 4315, [email protected].

Oulu universiteʹtt, tuʹtǩǩeeidåhttar Pekka Rossi, teʹl. 029 448 4395, [email protected]

Lääʹddjânnam pirrõskõõskõs, joukkjååʹđteei Mika Sarkkinen, teʹl. 040 540 4346, [email protected]

Lappi lett, mäddkåʹddinsinõõr Juha Piisilä, teʹl. 040 711 8382, [email protected]

Lappi ELY-kõõskõs, plaaneei Anne Lindholm, teʹl. 029 503 7021, [email protected]