Vuođđočáhce- ja geađgeávnnasdutkamat joatkašuvvet Lappis (Lappi)

Lappi POSKI2 (Vuođđočáziid Suodjaleami ja Geađgeávnnasfuolahusa oktiiheiveheapmi) – prošeavtta eanabarggut joatkašuvvet ja deattuhuvvet boahtte geasi áigge Nuorta- ja Davvi-Lappii. Bargguid váldodeaddu lea eanašosiin ovdal dutkkakeahtes vuođđočáhceguovlluid ja eanaávnnasčohkiidusaid sihke ođđa báktegeađgeávdnasa váldimii heivvolaš guovlluid dutkamis. Válljejuvvon čuozáhagain dahkkojit eanakártemat, eanarádárdutkamat, čáhcečájánasváldimat sihke eanavuođđobovremat maid oktavuođas ásahuvvojit vuođđočázi dutkanbutkket. Báktegeađgeávdnasiid čájáhusváldimat dahkkojit álgočavčča kártemiid nogadettiin. Dutkanguovlu boahtá guoskat Anára, Ohcejoga, Soađegili, Salla, Suovvaguoikka ja Pelkosenniemi gielddaid.

Kárten ja čájáhusváldin ollašuhttojit geasi ja čavčča áigge máŋgga olbmo doaimmas. Dalle meahcis johttojuvvo dábálaččat vácci. Eanarádárdutkamat dahkkojit nu ahte dutkanrusttegat fievrreduvvojit njealjejuvllagiin geainnuid ja luottaid ávkingeavahemiin dahje molssaevttolaččat vácci meahcis. Nappo dutkamat eai hehtte eanaeaiggádiid eaige birrasa. Eanavuođđobovremat bargojit dušše eanaeaiggáda lobiin.

POSKI-prošeakta lea heailla Suomas eanagottiid mielde ollašuhtton riikkaviidosaš dutkan- ja ovddidanfidnooppalašvuohta. Ulbmilin lea sihkkarastit buorre vuođđočázi, sihkkarastit eana- ja geađgeávdnasa oažžuma sihke guhkit áigodagas čujuhit čáhcefuolahussii ja geađgeávdnasiid váldimii heivvolaš guovlluid. Ulbmilin lea maiddái ráhkadit guvllolaš vuorrováikkuhusfierpmádagaid sihke buoridit diehtovuođu ávkingeavaheami. Lassin ovddiduvvojit ollašuhtti oasálaččaid ja fáddásuorggi dutkanvuogit.

Lappis prošeakta ollašuhtto guovtte oasis, vuosttas muddu nogai 2015 ja guvllolaččat dat doalai sisttis eanagotti Perämerenkaari beale oasi sihke Pello, Ylitornio, Tervola ja Roavvenjárgga guovlluid. Dálá muddu gokčá loahpaid Lappi gielddaid.

Prošeavtta ollašuhttin leat Geologalaš dutkanguovddáš, Suoma birasguovddáš ja Oulu universitehta. Ruhtadeapmi čohkiida Davvebađaeatnama EJB – guovddáža mieđihan Eurohpa guovloovddidanfoandda doarjagis sihke ollašuhttiid, prošeaktaguovllu gielddaid, Lappi lihtu sihke doaibmasuorggi fitnodagaid ruhtadanosiin. Prošeakta ollašuhtto jagiin 2016-2019.

Lassidieđut:

http://newprojects.gtk.fi/poski_lappi

Geologalaš dutkanguovddáš, geologa Juho Kupila, tel. 029 503 4315, [email protected].

Oulu universitehta, dutkidoavttir Pekka Rossi, tel. 029 448 4395, [email protected]

Suoma birasguovddáš, joavkohoavda Mika Sarkkinen, tel. 040 540 4346, [email protected]

Lappi lihttu, eanagoddeinšenevra Juha Piisilä, tel. 040 711 8382, [email protected]

Lappi EJB-guovddáš, plánejeaddji Anne Lindholm, tel. 029 503 7021, [email protected]