EALÁHUSAT

EJB-guovddážat leat hui dehálaš guovlluguovdásaš ealáhuspolitihka ovddideaddjit.

Buorre guovlluguovdásaš ealáhuspolitihkka bohciida ovttasbargguin guovllu eará doaibmiiguin. EJB-guovddážiid barggu ulbmilin lea hukset dássedettolaš guovloráhkadusa,  nannet máhtolašvuođa, fitnodatdoaimma ja šattu ja ovddidit barggolašvuođa.

Fitnodagaid rávven-, ruhtadan- ja ovddidanbálvalusat

EJB-guovddážat dorjot smávva- ja stuorabuš fitnodagaid vuođđudeami, šattu ja ovdáneami nu ahte dat fállet rávven-, skuvlen – ja ovddidanbálvalusaid ja ruhtadeami. EJB-guovddážis fidne bálvalusaid fitnodatdoaimma riikkaidgaskasašvuođa lasiheapmái, fitnodatdoaibmama ja hovdenmáhtu beavttálmahttimii, teknologiija ja innovašuvnnaid ovddideapmái, bargoveaga ámmátdáiddu beivemii dahje ođđa bargiid skuvlemii. EJB-guovddáš sáhttá váldit oasi maid ovddidanfidnuid ruhtadeapmái. Ruhtadandoarjja lea guorahallanvuloš ja doarjaga stuorrodat molsašuddá fidnu iešvuođa mielde.  

Fitnodatrávvema sámegillii fállá Sámi oahpahusguovddás.

Fitnodatbargui guoskevaš áššiin fidne rávvagiid riikkadási  Yritys-Suomi-telefonbálvalus árgabeivviid diibmu 9.00 – 16.00 telefon 0295 020 500

Liŋkkat (suomagiel siidduide)

  • Suomi.fi/yrityksille
    • lea bargo- ja ealahusministeriija koordineren bálvalus fitnodagaide ja sidjiide, geat beroštit fitnodatbargguin. Suomi.fi/yrityksille internehttasiidduide lea čohkkejuvvon fitnodatdiehtu.

Ealáhusdoaimma ja innovašuvdnabirrasa ovddideapmi

EJB-guovddážat juolludit doarjaga almmolaš servošiid fidnuide, main lea ávki eanagottiid fitnodatbargui ja mat buktet ođđa bargosajiid. Fidnuid ulbmilin berre leat fitnodagaid doaibmanbirrasa buorideapmi. Dáid fidnuid veagas ovddiduvvo ođđa fitnodatdoaimmaid johtuibidjan, duddjojuvvojit fitnodatdoaimmaid ovddidanvejolašvuođat ja dahkko guovllu geasuhusvuohta buoribun fitnodatdoaimma dáfus.

Suoma ja dan guovlluid eallinnákca vuođđuduvvá fitnodagaid alladási máhttui ja innovašuvnnaid beaktilis gávppálaš ávkkástallamii. EJB-guovddážat barget ovttas innovašuvdnadoaibmiiguin ja ovddidit innovašuvdnabirrasa riikkaidgaskasašvuođa ja fierpmáiduvvama Eurohpa ja máilmmi njunušguovlluiguin.

Eanandállodoalu ja dálonguovloealáhusaid ovddideapmi

EJB-guovddážiid oktan bargun lea dálonguovloealáhusaid ovddideapmi ja dálonguovllu eallinvuoimmi dorvvasteapmi. Ulbmilin lea buoridit eana- ja meahccedoalu gilvalannávcca ja ovddidit guolledoalu ja eará dálonguovllu ealáhusaid.

EJB-guovddážat ruhtadit eana- ja boazodáluid ja eará dálonguovlofitnodagaid investeremiid ja ovddidandoaimmaid ja fidnuid, mat ovddidit dálonguovloealáhusaid doaibmanvejolašvuođaid ja lasihit dálonguovllu eallinvuoimmi. EJB-guovddážiid bargun lea maid gozihit eanadoallodoarjagiid, šaddodárkkisteami ja borramušgálvvuid ja vel muhtun borramušgálvobuvttadeami bagadeapmái guoski doaimmat.

Eambbo dieđut:

Boazodoalu ja luondduealáhusaid ovddideapmi

Doarjagiid boazodoalu ja luondduealáhusaid ruhtadanlága vuođul ii doaisttážii sáhte ohcat. Doarjjaohcan rahppojuvvo, go boazodoalu ja luondduealáhusaid ráhkadatdoarjagiidda guoskevaš stáhtaráđi ásahus lea addojuvvon, doarjjavuogádagat leat váldojuvvon atnui ja Eananguovlodoaimmahat (Maaseutuvirasto) lea gárvvistan dárbbašlaš rávvagiid ja skoviid. Ohcama rahpanáigemearis addojuvvo diehtu sierra.

Eambbo dieđut:

Nuortalaččaide guoski áššit

EJB-guovddáš ovddida nuortalaččaid ja sin guovllu eallindiliid ja áigáiboahtovejolašvuođaid doaimmain, mat nuortalašlága mielde leat vejolaččat.  Loga eambbo (nuortalašgillii).

Guolledoalu ovddideapmi

Guolledoalloáššiid dikšot 3 EJB-guovddážis. Dát fállet bálvalusa miehtá Suoma earret Ålandda. EJB-guovddáš vástida guolledoalloáššiin ja dat lea eana- ja meahccedoalloministeriija vuollásaš guovloeiseváldi. Ålandda eanagotteráđđehus doaibmá guolledoalu vástueiseváldin Ålanddas. EJB-guovddážat dikšot ealáhusguolledollui, ámmátguollebivdui, asttuáigge guolástussii, guollečáziid oamastussii ja hálddašeapmái ja guollečaziid dikšui gullevaš bargguid.

Eambbo dieđut:

Päivitetty: 25.08.2023