- Aktuellt
- Kungörelser och anmälningar
- Allmän anmälan om flyttning av fordon som lämnats på landsväg
- Planering av statens trafikleder - kungörelser
- De kungörelser, offentliga delgivningar och beslut inom ansvarsområdet för miljö och naturresurser som är riksomfattande eller omfattar flera regioner
- Jobba hos oss
- RSS-feed
- Evenemang och utbildningar
- Anbudsförfrågningar och projektutlysningar
- Pressmeddelanden
- Tiedotteet 2021
- Pressmeddelanden 2020
- Pressmeddelanden 2019
- Pressmeddelanden 2018
- Pressmeddelanden 2017
- Pressmeddelanden 2016
- Pressmeddelanden 2015
- Pressmeddelanden 2014
- Pressmeddelanden 2013
- Pressmeddelanden arkiv
- Beställ meddelanden
- Aktuellt
- Nyheter 2024
- Nyheter 2023
- Nyheter 2022
- Nyheter 2021
- Nyheter 2020
- Nyheter 2019
- Nyheter 2018
- Nyheter 2017
- Nyheter 2016
- Nyheter 2015
- Nyheter 2014
- Nyheter 2013
- Nyhetsbrev
- Kommunikation
Nyheter 2021
Regional information
EBI-guovddážat livčče sávvan buoret diehtovuođu ja ekologalaš kritearaid vuhtiiváldima PEFC-standárdda válmmaštallamis
EBI-guovddáža biras ja luondduriggodagat -ovddasvástádusguovllu bargun lea bearráigeahččat almmolaš ovddu ja láhkaásaheami biras- ja čáhceáššiin, buvttadit ja juohkit birrasa guoskevaš dieđu ja buoridit birasdiđolašvuođa. Meahccesertifiseremiin, mii lea márkanoassebeliid instrumeanta, lea guovddáš rolla das mo beassat čáziid- ja mearaiddikšuma ja luonddumáŋggahámatvuođa ulbmiliidda Suoma ekonomiijavuvddiin. Dasgo dutkamušaid, áitatvulošárvvoštallamiid ja ekonomiijavuvddiid luonddudikšuma kvalitehta árvvoštallama vuođul ekologalaš suvdilisvuođa dássi ii leat vuovdedoalus doarvái buorre luonddu máŋggahámatvuođa ja čázádagaid dili beales, leat EBI-guovddážat geahččan dárbbašlažžan oassálastit áššedovdin PEFC sertifikáhta beaivádanprosessii. EBI-guovddážat leat maiddái mielde biraseiseváldin guovlluguovdasaš PEFC-sertifiserendoaibmagottiin.
Seammás go muorrabuvttadeapmi lea historjjálaš alla dásis, dutkamušat čujuhit Suoma vuvddiin dáhpáhuvvan nuppástusaid dagahit fuopmášahtti šlájaid ja eallinbirrasiid jávkama ja šaddama áitatvuložin. Boares vuovddit, meahcit, rođut, gáldut ja daid šlájat leat jođánit jávkamin earenoamážit Mátta-Suomas. Ekologalaš suvdilisvuohta oaivvilda, ahte dáid vuvddiide lunddolaš eallinbirrasiid ja luonddutiippaid seailun ja šlájaid eallinvejolašvuođat dorvvastuvvojit.
EBI-guovddážat deattuhit vuovdedoalu ja vuovdeindustriija mearkkašumi Suoma ekonomiijai ja nuppe dáfus váikkuhusa luonddu máŋggahámatvuhtii. Suvdilis vuovdedoalu standárda galggašii vuhtiiváldit buorebut ođđasamos dutkamušdieđu ja riikkaidgaskasaš soahpamušaid. Vaikko čáziidsuodjaleami oasis čielgasit ovdánedje beaivádanbarggus ja maiddái seastinmuoraid dáfus gáibádusaid čavgejedje, seammás heajudedje máŋgga ekologalaš kriteara. EBI-guovddážiid biras ja luondduriggodagat -ovddasvástádusguovllut eai nu sáhttán vuolláičállit beaiváduvvon PEFC-standárdda.
Dárkilut ákkastallamat leat ovdanbuktojuvvon ákkastallanmuittuhančállagis (suomagillii):
Lassedieđuid addet almmolaččat:
- Biras ja luondduriggodagat -ovddasvástádusguovllu hoavda Karoliina Laakkonen-Pöntys, Máttabađaeatnama EBI-guovddáš, tlf. 0295 027 560
- Biras ja luondduriggodagat -ovddasvástádusguovllu hoavda Mari Rajala, Pirkanmaa EBI-guovddáš, tlf. 0295 036 373
Bienalat gažaldagaid sáhttá čujuhit standárdabargojoavkkus Y-ovddasvástádusguovllu ovddastan áššedovdiide:
- Hydrobiologa Taina Ihaksi, Máttaoarje-Suoma EBI-guovddáš, tlf. 0295 029 236
- Badjedárkkisteaddji Toni Etholén, Máttabađaeatnama EBI-guovddáš, tlf. 0295 027 783
Šleađgapoastačujuhusat leat hámis [email protected].
- Publiceringsdatum
- 2021-05-03