Lappi dulvedilli seailu ráfálažžan lagašbeivviid áigge – stuorradulvviid riska ii leat jávkan geassemánus

Lappi EBI-guovddáš ja Dulveguovddáš dieđihit 

Lappi jogaid dulvedilli seailu ráfálažžan lagašbeivviid áigge, go muohta suddá njozet dábálaš áigge čoaskáset dálkki dihtii. Riska geassemánu álggu stuorradulvviin seailu ain, go čoaska dálkki maŋŋá liekkasvuohta sáhttá badjánit dál einnostuvvon jođáneappot, dalle ovttatmano muohttaga suddan sáhttá stuorrudit golgama jođánit. Jus liegganeami oktavuođas bohtet garra arvvit, dilli sáhttá šaddat duođalažžan. Einnostusat šaddet dárkileabbon lagašvahkuid áigge.

Lappi stuorra jogaid dulvečohkaid áigin einnostuvvo ain geassemánu álgobealli. Spiehkastahkan lea Simojoga guovlu, gos stuorimus rávnnji áigi lea einnostusa mielde miessemánu beallemuttu maŋŋá. Eará sajis Lappis sáhttet leat dulvečohkat jo miessemánu loahpas, jus dálki lieggana čielgasit einnostusa jođáneappot.

Olahusstuorra dulvvit lea vejolačča buot Lappi čázádagain. Vearrámus vahátriskaguovllut lea Giemajoga čázádatguovllus Gihttel ja Roavvenjárga ja Duortnos-Muonájoga čázádatguovllus Pello. Dáid guovlluin dulvvi árvvoštallet mannan vahátrájá bajábeallái

Varrasamos čázádateinnostusa mielde muohta suddá dábálačča guhkit áigegaskkas, mii unnuda vehá stuorradulvvi riskka. Mátta-Lappi guovllus muohtageardi lea asehuvvan miessemánu álggobealde, muhto eará sajis Lappis muohttaga čáhceárvvut leat ain earenoamáš stuorrát.

Lappis Simojoki ja Giemajoga vuolle- ja gaskaosiin lean johkaguovlluin leat jo máŋgga sajiin vuolgán jieŋat. Maiddái Duortnosjoga ja Avviljoga rávdnjebáikkiin guhkes oasit leat jo suttisin. Jiekŋabuođđoriska árvvoštallo unnin, go njozet ovdánan giđđa ja gulul lassánan rávdnji golahit jieŋaid čielgasit.

Čuovvovaš dulvedieđáhus addojuvvo vahkus 21 ja lassin dilis dieđihuvvo earret eará Twitteris. Dulvedillegova ja einnostusaid sáhttá čuovvut riikkaviidosaš www.ymparisto.fi/tulvatilanne-siidduin. Einnostusat beaiváduvvojit moatti diimmu gaskkaid.

Lassidieđut:

Njunuš čáhcedoalloáššedovdi Timo Alaraudanjoki, Lappi EBI-guovddáš,
tel. 0295 037 282, [email protected]

Njunuš hydrologa Bertel Vehviläinen, Suoma birasguovddáš,
tel. 0295 251 731 (Dulveguovddáš), ovdanamma.sohkanamma @ymparisto.fi

Rávvagat iešheanalis ráhkkaneapmái

• Lappi gádjunlágádusa dulvi 2020-siiddut
• www.ymparisto.fi/tulvaohjeet
• Ofelaš ássiide, iešheanalis dulvviide ráhkkaneapmi

Juoge dulveáicamat Sää-applikašuvnnain

• Dálkedieđalágádusa Sää-applikašuvdna

EBI-guovddáža ja Dulveguovddáš oktasaš dieđáhusat

• Lappi EBI-guovddáža ja Dulveguovddáža dieđáhusat

Dulvedili čuovvun

• Dulvedili sáhttá čuovvut olles Suomas measta reálaáiggis riikkaviidosaš čáhcedilli ja einnostusat siidduin: www.ymparisto.fi/tulvatilanne
• Jeavddalaččat beaiváduvvon kárta: Dulveváruhusat ja čázádateinnostusat
• Čáhcedilli ja dieđáhusat gávdnojit maiddái ođđa vesi.fi-bálvalusas
• Áigedási johtalusdiehtu: TMFG:n johtalusdilli-bálvalusas
• EBI-guovddáža oktasaš dulvesiidu
• Lappi gádjunlágádusa Lappi dulvesiiddut 2020 -siidu

Twitter

• #tulva OR #tulvat ja #Lapintulvat
• @pinnanalta (SYKE hydrologat)
• @Lapin_ELY (Lappi EBI-guovddáš)
• @meteorologit (Dálkediehtaga lágádus)
• @Lapinpelastus (Lappi gádjunlágádus)