Laapi tulvetile siäilu rávhálâžžân aldapeeivij ääigi – stuorrâ tuulvij riskâ kesimáánu uásild ij lah muttum

Laapi IPI-kuávdáš já Tulvekuávdáš tieđetteh

Laapi juuvâi tulvetile siäilu rávhálâžžân aldapeeivij ääigi, tondiet ko muotâ suddá hitásávt táváliist kolmâsub šooŋâi keežild. Riskâ kesimáánu aalgâ stuorrâ tulvijd siäilu ain-uv, tondet ko kolmâ šooŋâi maŋa liegâsvuotâ sáttá pajaniđ ennuv jotelubbooht ko mii lii ennustum, já talle muottui suddâm puoh ohtân sáttá lasettiđ suddâmviirdijd jotelávt. Jis pivâldem ohtâvuođâst šaddeh korrâ arveh, te tuulvijn sättih soddâđ uáli váduheh. Ennustâsah tärhiduvvojeh aldaohoi ääigi.

Laapi stuorrâ juuvâi tuulvij alemus tääsi äigimuddo ennustuvvoo ain-uv kesimáánu aalgân. Spiehâstâhhân lii Simojuuvâ kuávlu, kost stuárráámus virdedem äigipaje lii ennustâs mield vyesimáánu pelimudo maŋa. Eres kuávlust-uv Laapist alemus tulvetääsih sättih tiettuđ jo vyesimáánu loopâst, jis piivâld jotelubbooht ko lii ennustum.

Olâttâstulveh láá máhđuliih masa puoh Laapi čácáduvâin. Viärráámusah vaahâgriskâkuávluh láá Kiemâjuuvâ čácádâhkuávlust Kittâl já Ruávinjargâ já Tuárnusjuuvâ-Muoniojuuvâ čácádâhkuávlust Pello. Täin kuávluin lii árvuštâllum, et tulve allaan vaahâgrääji paijeel.

Vorrâsumos čácádâhennustâs mield muottuuh suddeh kuhheeb äigipaje ääigi ko táválávt, mii ucceed mottoomverd stuorrâ tulve riiskâ. Maadâ-Laapi kuávlust muotâkerdi lii asettum vyesimáánu aalgâ peln, mut eres kuávluin Laapist muottui čäciáárvuh láá ain-uv stuárráábeh ko táválávt.

Laapist Simojuuhâ já Kiemâjuuvâ vyeli- já koskâmudoi juhâkuávluh láá jo maaŋgâ saajeest jieŋâittáá. Meid Tuárnusjuuvâ já Avveeljuuvâ virdesoojijn kuhes kooskah láá jo sudesin. Jieŋâpuáturiskâ lii árvuštâllum uccen, tondiet ko hitásávt jottee kiđđâ já kuuloold stuárroo virdedem suddâdeleh jieŋâid merhâšitteht.

Čuávuvâš tulvetiäđáttâs adeluvvoo ohhoost 21 já ton lasseen tiileest tieđettuvvoo iärrás lasseen Twitterist. Tulvetilekove já ennustâsâid puáhtá čuávvuđ väldikodálii www.ymparisto.fi/tulvatilanne-siijđost. Ennustâsah peividuvvojeh muádi tiijme kooskâi.

Lasetiäđuh:

Njunoš čäcitáuluäššitobdee Timo Alaraudanjoki, Laapi IPI-kuávdáš,
puh. 0295 037 282, ovdânommâ.suhânommâ@ely-keskus.fi

Njunoš hydrolog Bertel Vehviläinen, Suomâ pirâskuávdáš,
puh. 0295 251 731 (Tulvekuávdáš), ovdânommâ.suhânommâ@ymparisto.fi

Ravvuuh jiešráđálii rahttâttem várás

• Laapi piäluštemlájádâs tulve 2020 -siijđoh
• www.ymparisto.fi/tulvaohjeet
• Uápis ässeid, jiešráđálâš rahttâttâm tuulvij várás

Jyevi jieijâd tulveaiccâmijd Sää-heiviittâssáin

• Áimutiettuu lájádâs Sää-heiviittâs

IPI-kuávdáá já Tulvekuávdáá ohtsiih tiäđáttâsah

• Laapi IPI-kuávdáá já Tulvekuávdáá tiäđáttâsah

Tulvetile čuávvum

• Tulvetile ubâ Suomâst puáhtá čuávvuđ masa reaaliääigist väldikodálijn čäcitile já ennustâsah -siijđoin: www.ymparisto.fi/tulvatilanne
• Ohtânmaanoost peividuvvee kárttá: Tulvavaroitukset ja vesistöennusteet
• Čäcitile já tiäđáttâsah kávnojeh meid uđđâ vesi.fi-palvâlusâst
• Äigikyevdilis jotolâhtiätu: TMFG jotolâhtile -palvâlusâst
• IPI-kuávdáá ohtsâš tulvesijđo
• Laapi piäluštemlájádâs Laapi tulvesiijđoh 2020 -siijđoh

Twitter

• #tulva OR #tulvat já #Lapintulvat
• @pinnanalta (SYKE hydrologeh)
• @Lapin_ELY (Laapi IPI-kuávdáš)
• @meteorologit (Áimutiettuu lájádâs)
• @Lapinpelastus (Laapi piäluštemlájádâs)